Осори Пешвои миллат

Осори нашрии Хонаи китоби Тоҷикистон

Омори матбуоти Ҷумҳурии Тоҷикистон

БАРОИ ЧОПИ КИТОБУ ДАСТУРҲОИ ТАЪЛИМӢ-МЕТОДӢ ТДУ, ТКБ, ISBN ВА EAN (ШТРИХ-КОД) ЗАРУР АСТ

Хабар Дида шуд: 217

    Ба таваҷҷуҳи довталабони унвонҳои илмӣ, муҳаққиқон, омӯзгорон ва муаллифон расонда мешавад, ки риояи талаботи қонунгузории Ҷумҳурии Тоҷикистон дар самти фаъолияти ноширӣ, ҳифзи ҳуқуқи муаллиф ва тартиби расмии интишори асарҳои илмӣ шарти асосии арзёбии натиҷаҳои фаъолияти илмӣ-методӣ мебошад.

   Тибқи қарори Ҳукумати Ҷумҳурии Тоҷикистон аз 2 июли соли 2005, №239 нашриёт ва чопхонаҳо, новобаста аз шакли ташкилию ҳуқуқӣ ва моликият, уҳдадоранд китобҳо ва дигар маҳсулоти чопиро танҳо баъд аз гирифтани Рақами байналмилалии стандартии китоб (ISBN) аз Муассисаи давлатии «Агентии миллии Созмони байналмилалии рақамгузории стандарти китоб – «Хонаи китоби Тоҷикистон» ба нашр расонанд. Нашри ҳар гуна маводи илмӣ, таълимӣ ва дигар маҳсулоти чопӣ бе гирифтани рақами расмии ISBN хилофи талаботи санадҳои меъёрии ҳуқуқии Ҷумҳурии Тоҷикистон мебошад.

   Таҳлили парвандаҳои аттестатсионӣ, нишон медиҳад, ки аз ҷониби баъзе довталабон ва шахсони масъул талаботи мазкур риоя намегардад. 

   Аз ҷумла:

   - китобҳо, воситаҳои таълимӣ, дастурҳои таълимию методӣ ва дигар маводди илмӣ бе рақами ISBN ё бо рақамҳои сохта, беэътибор ё ба нашрияҳои хориҷӣ тааллуқдошта пешниҳод мешаванд;

   - як рақами ягонаи ISBN барои интишори якчанд нашрияҳо истифода бурда мешавад, ки ин амал хилофи талаботи байналмилалии рақамгузории стандартии китоб мебошад;

   - баъд аз ворид намудани тағйирот ба асар, аз ҷумла тағйири унвон, ҳайати муаллифон, мураттибон, муҳтаво, шумораи саҳифаҳо ва дигар маълумоти библиографӣ, рақами нави ISBN гирифта нашуда, бо рамзи қаблӣ нашр мешавад;

   - ҳолатҳои нақзи ҳуқуқи муаллиф, аз ҷумла рӯйбардории пурра ё қисман аз китобҳо, монографияҳо ва дастурҳои таълимию методии олимону муҳаққиқони ватаниву хориҷӣ, инчунин, ҳамчун муаллиф ё ҳаммуаллиф нишон додани довталабон бидуни саҳми воқеии илмӣ ба мушоҳида мерасад.

ТАТБИҚИ САНАДҲОИ МЕЪЁРӢ-ҲУҚУҚӢ ОИД БА СОҲАИ ТАБЪУ НАШР ДАР ДАВРОНИ ИСТИҚЛОЛ

Хабар Дида шуд: 375

  Санаи 10-уми июли соли 2026 дар асоси нақша-чорабиниҳои тасдиқнамудаи Муассисаи давлатии “Агентии миллии Созмони байналмилалии рақамгузории стандарти китоб – Хонаи китоби Тоҷикистон”-и Вазорати фарҳанги Ҷумҳурии Тоҷикистон ба ифтихори 35-солагии Истиқлоли давлатии Ҷумҳурии Тоҷикистон таҳти унвони “Татбиқи санадҳои меъёрӣ-ҳуқуқӣ оид ба соҳаи табъу нашр дар даврони Истиқлол” мизи мудаввар баргузор гардид.

  Чорабиниро директори Муассисаи давлатии “Хонаи китоби Тоҷикистон”, доктори фалсафа Ph.D доктор аз рӯйи ихтисос Зафари Шариф оғоз намуда, иброз дошт, ки соҳаи табъу нашр дар заминаи дастгириҳои рӯзафзуни Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон рушду такомул ёфта, дар муддати 35-соли соҳибистиқлолии кишвар ин самти муҳимми соҳаи фарҳанги кишвар ба дастовардҳои назаррас ноил гардидааст. Мавсуф дар идомаи суханронии худ баён доштанд, ки супоридани нусхаҳои ҳатмӣ дар асоси санадҳои меъёрӣ-ҳуқуқӣ ба роҳ монда шуда, риоя ва талаботи амалии он вазифаи ҳар як муассисаи интишоротӣ ба шумор меравад. Муассисаи давлатии “Хонаи китоби Тоҷикистон” ҳамчун гирандаи нусхаи ҳатмии ройгони ҳуҷҷатҳо маҳсуб ёфта, тайи солҳои охир аз ҷониби муассисаҳои нашриявӣ воридоти ҳама гуна осори чопӣ ба муассиса саривақт дастрас мегардад.

ҲАМОИШИ ИЛМӢ-НАЗАРИЯВИИ “НАҚШИ ФАРҲАНГИ МИЛЛӢ ДАР ТАҲКИМИ ВАҲДАТИ МИЛЛӢ”

Хабар Дида шуд: 443

 

  Санаи 25-уми июни соли 2026 ба муносибати 29-солагии Рӯзи Ваҳдати миллӣ дар Ташкилоти ибтидоии ҳизбии “Китобшинос”-и назди Муассисаи давлатии “Агентии миллии Созмони байналмилалии рақамгузории стандарти китоб – Хонаи китоби Тоҷикистон”-и Вазорати фарҳанги Ҷумҳурии Тоҷикистон ҳамоиши илмӣ-назариявӣ таҳти унвони “Нақши фарҳанги миллӣ дар таҳкими Ваҳдати миллӣ” баргузор гардид.
  Ҳамоиши илмӣ бо сухани ифтитоҳии директори Муассисаи давлатии “Хонаи китоби Тоҷикистон” доктори фалсафа Ph.D доктор аз рӯи ихтисос Зафари Шариф оғоз гардида, меҳмонон ва ҳозиринро ба муносибати ин санаи муҳими таърихӣ табрику таҳният намуданд. Аз ҷумла, иброз намуданд, ки имсол мо дар кишвар 29-солагии Ваҳдати миллӣ ва 35-солагии Истиқлоли давлатии Ҷумҳурии Тоҷикистонро таҷлил менамоем ва ҳамоиши имрӯза низ ба ҳамин мавзуъ бахшида шудааст. Таъкиди ҳамин андеша басо муҳим аст, ки таҷрибаи беназири муҳтарам Эмомалӣ Раҳмон ҳамчун Пешвои маҳбуби тоҷикон ва Президенти сулҳофар дар таҳкими ҳокимияти давлатӣ ва пойдории Истиқлолу Ваҳдати миллӣ барои мо мактаби бузурги ҳаёт ва сабақи нотакрори давлату давлатдорӣ, марҳилаи ибратомузи расидан ба сулҳу Ваҳдати миллӣ, қадами ҷиддии рӯ овардан ба нақшаҳои азими офарандагӣ мебошад, ки натиҷаи ин ҳама ҳадафҳои бузург фароҳам овардани шароити мусоид барои зиндагии шоистаи наслҳои имрӯзу ояндаи миллат аст.

САЛОҲИЯТИ ИННОВАТСИОНИИ КИТОБДОРОН – КАФОЛАТИ ХИЗМАТРАСОНИИ БОСИФАТИ КИТОБДОРИЮ ИТТИЛООТӢ

Хабар Дида шуд: 215

   Ташаккули фазои ягонаи иттилоотӣ – телекоммуникатсионӣ, рушди босуръати технология ва бозори иттилоотӣ, ҳамкориҳои байналмилалии китобдорӣ – иттилоотӣ, мубодилаи илмию техникӣ ва фарҳангӣ баёнгари раванди фаъоли воридшавии Ҷумҳурии Тоҷикистон ба ҷомеаи муосири иттилоотӣ мебошанд.

   Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зарурати баланд бардоштани сатҳи пешрафти низоми миллии инноватсионии миллӣ ва масъалаҳои ба он вобастаро чунин муайян намудаанд: «Мо бояд дараҷаи рушди низоми инноватсияи миллӣ ва нишондиҳандаҳои азхудкунии технологияҳои иттилоотиву коммуникатсиониро беҳтар гардонем».

   Аслан, роҳандозии низоми устувори инноватсионӣ ва дар доираи он ташаккул ёфтани боз як зернизом – зернизоми салоҳиятҳои инноватсионии китобдорон аз масъалаҳоест, ки кайҳо таваҷҷуҳи олимону мутахассисони соҳаи китобдориро ҷалб намудааст. Дар кишварҳои пасошуравӣ олимону мутахассисони Россия дар ин самт дорои таҷрибаи ғанитар ва интишороти бештар мебошанд. Пажӯҳишҳои М.И Акилина, М.Г. Анисимова, С.А. Бражникова О.В. Ветчанова, Н.Л. Голубева, А.А. Графова Е.Н. Гусева, Е.Ю. Елисина, Н.С. Карташов, Е.Ю. Качанова, Е.С. Мартин, И.Ю. Матвеева, С.Г. Матлина, О.А. Ратникова, Е.В.Романова, С.С. Серейчик, Н.А. Толканюк ва дигарон манбаи боэътимоди омӯзиши мавзуи мавриди таҳқиқ ба шумор рафта, дар онҳо моҳияти инноватсияҳо, ҷанбаҳои назариявӣ ва методологии идоракунии инноватсияҳои китобдорӣ, шароитҳо, самтҳои ташаккул ва рушди назарияи инноватикаи китобдорӣ мавриди таҳқиқ қарор дода шудаанд.

   Муҳаққиқон Ю.Б. Авраеева, Н.В. Борисова, Л.Н Голенок, Л.Л. Диденко, Е.А. Ермакова, Е.Ю. Качанов, Е.С. Мартин, И.Ю. Матвеева, Нгуен Тхи Лан Тхан, Б. Нурыев, О.А. Ратникова, З.В. Руссак, Н.А. Толканюк, Н.Т. Чуприна ва дигарон ҷанбаҳои гуногуни инноватикаи китобдорӣ, аз ҷумла татбиқи равандҳои инноватсионӣ дар фаъолияти китобхонаҳоро мавриди таҳқиқу баррасӣ қарор дода, ташаккули салоҳияти инноватсионии китодоронро ба сифати омили муҳим дар таъмин намудани самаранокӣ ва баланд бардоштани сатҳу сифати хизматрасонии китобдорию библиографӣ илман асоснок кардаанд.

Баҳисобгирии муҳосибии идоракунӣ

Хабар Дида шуд: 573

   Ҳукматов, Д.Ҷ. Баҳисобгирии муҳосибии идоракунӣ [Матн]: васоити таълимӣ / Д.Ҷ. Ҳукматов; муқарризон: Б.Ҳ. Каримов, Д.А. Олимов. – Душанбе: ҶДММ “Ашуриён”, 2026. – 325 с.; 20 см. – 100 н. – ISBN 978-9906-9932-7-2

   Мундариҷа: Пешгуфтор. – С.7; Боби 1. Асосҳои баҳисобгирии муҳосибии идоракунӣ. 1.1. Мафҳуми баҳисобгирии идоравӣ, предмети он. Таъсири ташкили сохтори корхонаҳо ва низоми баҳисобгирии идоравӣ. – С.10; 1. 2. Хусусиятҳои муқоисавии баҳисобгирии молиявӣ ва идоракунӣ. – С.16; 1.3.Нақши иттилоот дар низоми баҳисобгирии идоракунӣ. – С.20; БОБИ 2. МАФҲУМ ДОИР БА ХАРОҶОТ. ТАСНИФОТИ ОН. 2.1. Мафҳум ва таснифоти хароҷотҳо. Хароҷотҳои аслӣ ва нақшавӣ. – С.24; 2.2. Хароҷотҳои тағйирёбанда, доимӣ ва дигар намуди онҳо. – С.28; 2.3. Хароҷоти умумӣ ва миёна. – С.34; 2.4. Хароҷоти истеҳсолӣ, тиҷоратӣ ва маъмурӣ. – С.35; 2.5. Хароҷотҳои бевосита ва бавосита. – С.36; БОБИ 3. ТАҲЛИЛИ ТАНОСУБИ ХАРОҶОТ, ФОИДА ВА ҲАҶМИ ФУРУШ. 3.1.Муайянкунии даромади маржиналӣ. – С.40; 3.2. Нуқтаи безарарӣ ва тарзҳои муайянкунии он. – С.41; 3.3. Таҳлили вариантҳои гуногун барои қабули қарорҳои идоракунӣ. – С.47; БОБИ 4. УСУЛҲОИ УМУМИИ МУАЙЯН КАРДАНИ АРЗИШИ АСЛИИ МАҲСУЛОТ (КАЛКУЛЯТСИЯ). 4.1. Мафҳуми ҳисобкунии арзиши истеҳсоли маҳсулот ва воҳиди калкулятсионии он. – С.50; 4. 2. Таснифоти истеҳсолот ва таъсири хусусиятҳои он ба баҳисобгирии хароҷотҳо. – С.52; 4. 3.  Баҳисобгирии хароҷотҳои моддӣ ва меҳнатӣ. – С.53; 4.4. Усулҳои ҳисобкунии арзиши аслии маҳсулотҳои намуди алоҳида. – С.58; 4.5. Моҳият ва фарқиятҳои усули абзорпшен-костинг ва директ-костинг. – С.59; 4.6. Муқоисаи даромади маржиналӣ ва маржаи умумӣ. – С.67; БОБИ 5. ҚАБУЛИ ҚАРОРҲОИ МУФИДИ ИДОРАКУНӢ. 5.1.Вазифаҳои асосии баҳисобгирии муҳосибии идоравӣ дар ҷараёни қабули қарор. – С.71; 5.2. Усули баробарӣ. – С.72; 5.3. Усули даромади маржиналӣ. – С.73; 5.4. Банақшагирии намудҳои маҳсулот (мол), барои фурӯш пешбинишуда. – С.77; БОБИ 6. УСУЛИ ҶАРАЁНИИ КАЛКУЛЯТСИЯИ ХАРОҶОТ ДАР ИСТЕҲСОЛОТ. 6.1. Тафовути калкулятсияи арзиши аслӣ бо тақсимоти пурраи хароҷот ва аз рӯйи хароҷоти тағирёбанда. – С.84; 6.2. Панҷ даври асосӣ (қадамӣ). – С.89; 6.3.Усули миёнаи баркашидашуда. – С.92; БОБИ 7. УСУЛИ ФАРМОИШИИ КАЛКУЛЯТСИЯИ ХАРОҶОТ ДАР ИСТЕҲСОЛОТ. 7.1. Моҳият ва аҳамияти усули фармоишии калкулятсияи хароҷот дар истеҳсолот. – С.100; 7.2.Калкулятсияи арзиши аслии фармоишӣ. – С.101; 7.3. Калкулятсияи арзиши аслии як миқдор маҳсулот. – С.106; БОБИ 8. ТАҚСИМОТИ ҲАРОҶОТИ ИЛОВАГӢ. 8.1.Мақсад ва моҳияти тақсимоти хароҷотҳо. – С.116; 8.2. Меъёри қарорҳо оид ба тақсимоти хароҷотҳо. – С.121; 8.3.Асосҳои раванди тақсимоти хароҷоти бевосита. – С.122; 8.4. Азнатақсимоти хароҷоти иловагӣ ба шуъбаҳои истеҳсолӣ. – С.123; 8.5. Тақсимоти хароҷоти шуъбаҳои хизматрасонӣ. – С.126; 8.6. Интихоби меъёри тақсимоти хароҷоти иловагӣ. – С.135; 8.7. Базаи тақсимоти хароҷот ва тағйирот дар технологияи истеҳсолӣ. – С.136; БОБИ 9. ТАҒЙИРЁБИИ ХАРОҶОТҲО. УСУЛҲОИ ИФОДАКУНИИ МАҶМУИ ХАРОҶОТ НИСБАТ БА ХАРОҶОТИ ТАҒЙИРЁБАНДА ВА ДОИМӢ. 9.1. Хатти ифодакунии хароҷоти умумӣ нисбат ба хароҷоти тағйирёбанда ва доимӣ. – С.138; 9.2. Моҳияти хароҷотҳои омехта дар баҳисобгирии идоракунӣ. – С.140; 9.3 Баҳодиҳии усулҳои интихобӣ дар мисоли хароҷоти тағйирёбанда. – С.142; БОБИ 10. БУҶЕТИКУНОНӢ ВА НАЗОРАТИ ОНҲО; 10.1. Буҷети асосӣ - моҳият ва нақши он. – С.146; 10.2.Буҷети асосии корхонаҳои тиҷоратӣ. – С.152; 10.3.Буҷети асосии корхонаҳои истеҳсолӣ. – С.156; 10.4. Назорат ва таҳлили фаъолияти корхона. – С.164; БОБИ 11. БУҶЕТИ ЧАНДИРӢ ВА СТАНДАРТҲО. 11.1. Мақсад ва моҳияти буҷети чандирӣ. – С.169; 11.2. Дараҷаи сифрӣ ва якуми таҳлил. Буҷети оморӣ. – С.169; 11.3. Хусусиятҳои фаъолияти корхонаҳои кишоварзӣ ва таъсири онҳо ба ташкили низоми назорати дохилӣ. – С.170; БОБИ 12. НАРХОФАРӢ, ХАРОҶОТҲОИ РЕЛЕВАНТӢ ВА ҶАРАЁНИ ҚАБУЛИ  ҚАРОРҲОИ ИДОРАКУНӢ. 12.1. Моделсозӣ ва ояндабинӣ. – С.184; 12.2. Аҳамияти ҳолати релевантӣ. – С.186; 12. 3. Омилҳои миқдорӣ ва сифатӣ. – С.187; 12. 4. Хавф ҳангоми истифодабарии арзиши аслии пурра. – С.188; 12. 5. Хароҷоти доимӣ ва арзиши аслии маҳсулот. – С.190; 12. 6. Нархофарӣ ба маҳсулоти истеҳсолшаванда ва хизматрасонӣ. – С.191; ТЕСТҲОИ САНҶИШӢ. – С.193; КАЛИДИ ТЕСТҲО. – С.242; ЗАМИМАҲО. – С.243; АДАБИЁТ. – С.322

МАҚОМ ВА МУҲИММИЯТИ МУАССИСАИ ДАВЛАТИИ «ХОНАИ КИТОБИ ТОҶИКИСТОН» ДАР ДАВРОНИ ИСТИҚЛОЛ

Хабар Дида шуд: 324
Зафари Шариф, директори МД «АМ СБРСК –
Хонаи китоби Тоҷикистон»‎, доктори фалсафа
(PhD), доктор аз рӯйи ихтисоси китобхонашиносӣ,
библиографишиносӣ ва китобшиносӣ,
Муҳаммаднабӣ Баёнӣ, муовини директори
МД «АМ СБРСК – Хонаи китоби Тоҷикистон»,
номзади илмҳои филологӣ.

 

   Муассисаи давлатии «Агентии миллии Созмони байналмилалии рақамгузории стандарти китоб – Хонаи китоби Тоҷикистон» аз соли 1935 то ба имрӯз, яъне дар тули 91 соли мавҷудияташ дар ҳифзи таъриху фарҳанги миллат саҳми арзанда гузошта, то имрӯз барои ҷамъоварӣ ва ҳифзу нигаҳдории китобу матбуоти даврӣ нақши бениҳоят калон гузоштаистодааст.
   Агарчи МД «Хонаи китоби Тоҷикистон» дар даврони Шуравӣ таъсис ёфта бошад ҳам, пас аз пош хурдани Иттиҳоди Шуравӣ фаъолияташ идома ёфта, дар даврони истиқлолият самтҳои фаъолияташ ба Ҷумҳурии соҳибистиқлоли Тоҷикистон мувофиқ кунонида шуд. Дар замони соҳибистиқлолӣ низ мақсаду вазифаҳои муҳимро ба дӯш дошта, ҳамчун махзани нодири миллӣ барои олимону пажуҳишгарон ва муҳаққиқони соҳаҳои гуногун хизмат намуда, бойгонии он мероси маънавии миллат ба шумор меравад.
  1. Шумо дар инҷо:  
  2. Асосӣ